"Lola Qizg'aldoq" She'r ni mp3 sini ko'chirib oling. Bu she'r hayotni sizga taqdim etadi. "Lola qizg'aldoq" Mendan nima qolar ikki misra she'r Ikki sandiq kitob bir uyim tuproq Odamlar ortimdan nima desa der Men seni o'ylayman o'zimdan ko'proq Lola lolajonim lola qizg'aldoq. Men ketgach yomondan yiroq bo'l ohu Chunki sen chiroyli ko'rkli bir juvon Yomon kunlar bir kun yaxshi bo'lar u Yomon odam yaxshi bo'lmas xech qachon Yasha chegarada turganday ogoh Lola lolajonim lola qizg'aldoq. Uyda yotib manu sezib turibman Ko'kda ketayotur qushlar qaytishib Hayrlar yog'dirib qanotlaridan Hasta shoiriga vido aytishib Bor men uchun ham ularga qo'l qoq Lola lolajonim lola qizg'aldoq. Ularni men yana ko'ramanmi a Ayvondan odamdek kuzatolmadim Kuz to'ylar boshlandi yuragim pora Bitta qizimni ham uzatolmadim Demak - demak taqdir ekan to'y ko'rmay o'lmoq Lola lolajonim lola qizg'aldoq. Biroq ko'nglim sezar mendan keyin ham Bir kun bu hovliga odam to'ladi Halli to'ylar qilib charchaysan erkam Mening qizlarim eng bahtli bo'ladi Kelinlar ko'ylagi ruhimday oppoq Lola lolajonim lola qizg'aldoq. O'g'lim - o'g'lim yaqinroq kel qara ne savdo Bu ajib ishlarni dil lavhaga yoz Kimga qasr yetmas kimga mol dunyo Menga esa havo yetmaydi holos Tiriklar mudroqda o'liklar uyg'oq Lola lolajonim lola qizg'aldoq. Ko'ksim kuyib borar ko'krak yonmoqda Ayting - ayting do'htirlarga yorsa yorishsin Jismim o'z ulfatti jondan tonmoqda Be chora jon endi qayerga borsin Endi osmon yiroq endi yer yumshoq Lola lolajonim lola qizg'aldoq. Buni hayot derlar unutma aslo Bir kun ochilasan bir kun so'nasan Qalbimdaku faqat sen eding tanho Qabrim ustida ham o'zin bo'lasan Sen bizni sevgidan hotira bayroq Lola lolajonim lola qizg'aldoq. Mendan nima qolar ikki misra she'r .... "Yetim Dunyo" Omonat dunyoda xor bo'lib o'tsam Chin do'st diydoriga zor bo'lib o'tsam, Besh kunlik umrimni yasholmay o'tsam O'lsam yeg'lamaydi bu yetim dunyo. Daryo irmoqlari sel bo'lar bir kun Dilni titroqlari she'r bo'lar bir kun, Mening barmoqlarim yer bo'lar bir kun O'lsam yeg'lamaydi bu yetim dunyo. Qadrimga yeg'laydi qadrim bilganlar Dardimga yeg'laydi dardim bilganlar, Yolg'ondan yeg'laydi yolg'on suyganlar O'lsam yeg'lamaydi bu yetim dunyo. Farzandlarim dod deb dilhum yeg'laydi Otam qoshimda tik beun yeg'laydi Suymagan suyganim bir kun yeg'laydi O'lsam yeg'lamaydi bu yetim dunyo. (Shoir Andijon o'g'loni rahmatli Muhammad Yusuf)
| 
