Мадриднинг "Реал” клуби ва Португалия терма жамоаси ҳужумкор ярим ҳимоячиси Криштиану Роналду ер куррасидаги энг тезкор футболчи, дея таъкидламоқда Германиянинг Der Spiegel нашри. Ўтказилган тадқиқотлардан маълум бўлишича, португaл футболчиси тўп билан биргаликда соатига 33,6 километр тезликда чопа олади. Иккинчи ўринда эса Мюнхеннинг "Бавария” клуби ва Голландия терма жамоаси ярим ҳимоячиси Арьен Роббен бормоқда. Унинг кўрсаткичи 32,9 км/c. Учинчи ўринни Лондоннинг "Арсенал” жамоаси ва Англия терма жамоаси вингери Тео Уолкотт банд этган. У соатига 32,7 километр тезликда югура олади. Тўртинчи ўринни "Манчестер Юнайтед” клуби ва Англия терма жамоаси ҳужумчиси Уэйн Руни эгаллаган. Руни 32,6 км/с тезликка эга. Кучли бешликни "Арсенал” ва Голландия терма жамоаси форварди Робин ван Перси якунлаб беради.