Банк томонидан пластик карточкалар бўйича хизмат турларини кўпайтиришга катта эътибор қаратилмоқда. Жумладан, банк буюртмасига асосан мамлакатимиз корхоналари томонидан мобил терминаллар ишлаб чиқилди. 

Улар ёрдамида мижозлар коммунал ва бошқа тўловларни, турғун электр манбаси бўлмаган ҳолларда махсус кўчма кассаларда пластик карточкалар орқали тўлаш имкониятига эга бўладилар. 
Айни вақтда мобил терминалларнинг 200таси муваффақиятли синовдан ўтказилди. Тез кунларда мобил терминаллар сони икки баробар кўпаяди. Чунки банк яна 200та ана шундай терминал қурилмаларини сотиб олишни режалаштирган. 
Шунингдек, мазкур банк ташқи иқтисодий алоқаларни ҳам ривожлантириб бормоқда. «Ипотека банк» «ВИЗА» халқаро тўлов тизимига аъзо бўлди ҳамда мижозларга «ВИЗА электрон» ва «ВИЗА классик» халқаро тўлов пластик карточкаларини таклиф этмоқда.